''Sakaryaspor''da mövsümöncəsi yalnız bir toplantı keçirə bildik. Klubda prezident seçkiləri bir qədər gec yekunlaşdı. Heç bir transferə qarışmadım. Transferlər klubun kapitanının göstərişi ilə həyata keçirildi. Üstəlik stadionumuzda işlər davam etdiyindən ilk 7 oyunun 6-nı səfərdə keçirməli olduq. Son məğlubiyyətin ardından rəhbərlik mənimlə yolları ayırmaq qərarına gəldi. Hər iki tərəfə də xeyirli olsun. Superliqada səviyyənin artdığını söyləyə bilmərəm. Hər üç İstanbul nəhənginin sona qədər çempionluq mübarizəsi aparacağını düşünürəm. ''Qalatasaray''ın heyəti səviyyəlidi. Hətta indiki heyəti bizim dönəmimizdəki komanda ilə müqayisə edənlər də var. Amma sizə deyim ki, bu heyət UEFA kubokunu qazanan heyətlə qarşılaşsaydı, indiki komanda heç bizim qapımıza yaxın da düşə bilməzdi! Torreyra mənim oynadığım mövqedə oynayır və onu çox bəyənirəm. Amma mən Torreyranın dörd təkərli versiyası idim. Mən ondan daha güclü idim. Torreyra sanki bu sözlərimi hiss edib və artıq qol vurmağa da başlayıb. Mən məhsuldar oyunçu idim. Öz mövqeyimə görə komandaya qol və məhsuldar ötürmə baxımından çox fayda verirdim''.