Slovakiya millisinin futbolçuları özlərindən razı qalmayıb – “öhdəliklərimizi yerinə yetirə bilmədik”
Slovakiya millisinin futbolçuları Millətlər Liqasının 4-cü turunda Azərbaycana qarşı keçirdikləri (3:1) matç haqda fikirlərini bölüşüblər.
“Football-plus.az” oyunçuların Slovakiya Futbol Federasiyasının saytına açıqlamalarını təqdim edir.
Lukaş Haraslin:
“Bəzi epizodlarda zəif çıxış etdik. Oyundan əvvəl qurdğumuz bəzi planları reallaşdıra bilmədik. Belədə Azərbaycan qol vəziyyətləri yaratdı. Amma özümüzü itirmədik və oyuna nəzarəti əlı alıb layiq olduğumuz qələbəni qazandıq. Azarkeşlərimiz üçün daha yaxşısını edəcəyik”.
Andrey Duda:
“Sevinirəm ki, yığmadakı 80-ci oyunumdan qalib ayrıldım. Çətin matç idi. İdeal çıxış etmədik. Hətta ikinci hissəyə çox pis başladıq. Öhdəliklərimizi yerinə yetirə bilmədik. Təəssüf ki, Azərbaycan bəzi anlarda qapımızın önündə təhlükəli vəziyyətlər yaratdı”.
David Dyuriş:
“Komandam üçün qol vurduğuma görə şadam. Mənə vacib ötürmə edən Lübomir Tuptaya təşəkkür edirəm. Onun köməyi sayəsində fərqləndim. Məncə, daha yaxşısını edə bilərdik. Növbəti oyunlara hazırlaşacağıq”.
KƏNAN BAHADIR
Digər xəbərlər
