“Pulsuz villa verərək komandaya qucaq açıb” - “Saatlı-Araz” nə istəyir?
Futbol üzrə ölkə çempionatının 2-ci liqasında 6-cı tura yekun vuruldu.
“Saatlı-Araz” - “Qusar” matçı meydan sahiblərinin 5:0 hesablı qələbəsi ilə bitdi. Mövsümə yaxşı başlayan Saatlı təmsilçisi 10 xalla 5-ci pillədədi. Ötən mövsüm 1-ci liqanı tərk edən “pambıqçılar” yeni mövsümdə iddialı görünür.
Klub prezidenti Ədalət Abdullayev “Football-plus.az”a açıqlamasında mövcud durumdan söz açdı:
“2-ci liqaya yaxşı start vermişik. Hələ ki pis deyil. Hədəfimiz 1-ci liqaya qayıtmaqdı. Bunun üçün çalışırıq. Amma təəssüf ki, maliyyə imkanlarımız tükənmək üzrədi. Hətta vəziyyət o yerdədi ki, maliyyə dayağımız yoxdu. Komanda üç nəfərin, yəni mənim, baş məşqçi Şəhriyar Məmmədovun və Mirzaman Kazımovun çiynindədi. Pulsuz villa verərək komandaya qucaq açıb. Başqa heç bir dəstəyimiz yoxdu. Buna görə də ciddi problemlərlə qarşılaşırıq. Bütün bunların fonunda hələ ki ayaqda qalmağa çalışırıq”.
Yeri gəmişkən, Saatlı təmsilçisi ev oyunlarını doğma rayonda yox, Şirvanda keçirir. “İmişli” isə rəqiblərini Saalıı Olimpiya İdman kompleksində qəbul edir. “Bəs bu nə vaxta qədər belə davam edəcək” sualına Ədalət bəy bu cavabı verdi:
“Düzdü, stadiona borcumuz var. Amma bu məsələ daha çox şəxsi intriqa zəminindədi. Biz də, azarkeşlər də narahatdı. Ümid edirəm ki, qısa müddətdə həllini tapacaq”.
RÖYANƏ OĞUZ
Digər xəbərlər
