“Yeni mövsümdə Şirvan Olimpiya İdman Kompleksinin stadionunda oynayacağıq. Saatlı Olimpiya İdman Kompleksi ilə danışıqlarımız müsbət yekunlaşmadı. Borc məsələsindən çox şəxsi intriqalar imkan vermədi ki, doğma azarkeşlər qarşısında oynayaq. Ona görə də Şirvanda oynamalı olacağıq. Öz stadionumuzun olması xəyalımızdadı. Hələ ki bunu reallaşdıra bilmirik. Ümid edirik ki, nə vaxtsa yerli futbolsevərlər dəstək olar və bu məsələ də həllini tapar. Klubun yeni bazası iyulun 31-də futbolçuların istifadəsinə verilib. “Hunter Villa” məşq meydançasında 1 ay hazırlıq keçdik. Ölçüləri kiçik olsa da, məşq üçündü və istifadə edə bilirik. Eyni zamanda axşam saatlarında şərait yaradırıq ki, sakinlər də gəlib bazanın meydançasından bəhrələnsin. Belədə kluba ayrıca maliyyə cəlb etmiş olacağıq. Hazırda ilk tura hazırlaşırıq. Komandanı artıq formalaşdırmışıq. Lazimi işlər yekunlaşıb. 4 yoxlama oyunu keçirdik, heyəti də kompleksləşdirmişik”.