“Real” zədəli futbolçusu Daniel Karvaxalın durumu ilə bağlı açıqlama yayıb.

İspaniya klubunun məlumatına görə, 32 yaşlı müdafiəçi sağ dizindən əməliyyat olunub. Əməliyyat uğurlu alınıb. Danielin yaxın günlərdə bərpa prosesinə başlayacağı qeyd olunub. Onun yaşıl meydanlara nə vaxt qayıdacağı isə hələlik məlum deyil.

Xatırladaq ki, Karvaxal La Liqanın “Vilyarreal”la matçında (2:0) rəqib oyunçusu Jeremi Pinault ilə toqquşma nəticəsində zədələnib. İspaniyalı futbolçu meydanı xərəkdə tərk edib.