Türkiyə Futbol Federasiyası Hakim İnkişaf Direktoru vəzifəsinə yeni bir ismin gətirildiyini açıqlayıb.

Bundan sonra bu vəzifəni portuqaliyalı Vitor Melo Pereyra icra edəcək. Federasiya onunla ikiillik müqavilə imzalayıb. Pereyra dünən həm Hakimlər Komitəsinin sədri Fərhat Gündoğdu, həm də TFF sədri İbrahim Hacıosmanoğlu ilə görüşüb. Pereyra uzun illər elit səviyyədə hakimlik edib və beynəlxalq oyunlara təyinatlar alıb. Hakimlik karyerasını bitirdikdən sonra vətəni Portuqaliya, eləcə də başqa ölkələrdə hakim yönətici kimi çalışıb. TFF onun sayəsində ölkədə hakimlik sisteminin daha da güclənəcəyinə və yeni istedadlı ədalət təmsilçilərinin peyda olacağına inanır.

Qeyd edək ki, son iki mövsümdə TFF şotlandiyalı Hyu Dallasla əməkdaşlıq edirdi. O, qurumun baş məsləhətçisi vəzifəsini icra edirdi.

ƏLİ