Türkiyə futbolunda hakimliklə bağlı problemlər bitmədiyi üçün Hakimlər Komitəsinin prezidentləri tez-tez dəyişir.

"Football-plus.az" xəbər verir ki, dünən komitəyə yeni sədr təyin olunub. Türkiyə Futbol Federasiyasının qərarı ilə Ahmet İbanoğlu Hakimlər Komitəsinin yeni prezidenti seçilib. O, bu vəzifədə Lalə Ortanı əvəzləyib. Komitənin tarixində ilk qadın prezident olan Orta bu vəzifəyə bu ilin yanvarın sonlarında gətirilmişdi. İbanoğlu 1981-98-ci illərdə ardıcıl 17 il Türkiyənin peşəkar liqalarında hakim kimi çalışıb. Bunlardan 5 ili superliqaya təsadüf edib. Elə peşəkar karyerasını başa vurduqdan sonra da uzun illər federasiyada müxtəlif vəzifələrdə çalışıb.

Maraqlıdı ki, İbanoğlu son 8 ildə HK-nın 8-ci fərqli prezidentidi! 2015-dən bu yana bu vəzifəni uyğun olaraq Kuddusi Müftüoğlu, Yusuf Namoğlu, Zəkəriyyə Alp, Sərdar Tatlı, Fərhat Gündoğdu, Səbri Çelik və Lalə Orta icra edib.

ƏLİ