“Futzalda birinci liqa və həvəskar liqa var. Mövsüm başa çatandan sonra komandalara təkliflər oldu. Təbii ki, turnir cədvəlindəki ardıcıllıqla soruşulur ki, yüksək liqada oynamaq istəyirsizmi? Yəni bizdə böyük futboldakı kimi deyil ki, mütləq 1-ci və 2-ci yer gəlməli və ya lisenziya şərtlərini yerinə yetirməlidi. Bizdə lisenziya şərtləri yoxdu. Sadəcə, mövsüm bitəndə soruşuruq ki, hansı komanda gələ bilər? Təbii, yüksək liqaya gələn komanda fikirləşir ki, heyətini gücləndirməli, oyunçularına müəyyən əməkhaqqı ödəməlidi, qısası, həvəskar statusdan çıxmalıdı. Bilindiyi kimi, ötən mövsüm "Record club" sona yaxın oyunçularla bağlı problem yaşadına görə çempionatdan kənarlaşdırıldı. Bu təklifi də "Şuşa" qəbul etdiyinə, şərtləri və şəraiti uyğun gəldiyinə görə yüksək liqaya qəbul edildi. Böyük futboldan fərqli bizdə lisenziyalaşdırma qaydası olmadığına görə təklifi qəbul edən yüksəlib. "Şuşa"dan daha yüksək yeri tutan komandalar oynamaq istəməyib, biz onlara “yox” deməmişik. Bizə müraciət edən olmayıb”.