Pol Poqba sevinc içindədi. Onunla bağlı növbəti qərar çıxarılıb.

DÇ-2018-in qalibi bir neçə aydan sonra yaşıl meydana qayıda biləcək. “Yuventus”un futbolçusuna 2023-cü ilin avqustunda dopinqdən istifadəyə görə verilən cəza azaldılıb. İdman Arbitraj Məhkəməsi (İAM) ilkin qərarla 31 yaşlı fransalıya kəsilən cəzanın müddətini 4 ildən 18 aya endirib. Pol 2025-ci ilin yanvarından İtaliya klubunda məşq edə bilər. Rəsmi matçlarda meydana çıxmasına isə mart ayında icazə veriləcək. Xatırladaq ki, Poqba bu ilin yanvarında uzun müddətə diskvalifikasiya olunmuşdu. İAM-ın hakimləri onun həkim məsləhəti ilə qida əlavəsindən istifadə edərkən bunun dopinq olduğunu bilmədiyinə inanıblar.

Amma Pol çətin ki, bundan sonra “Yuventus”un formasında rəsmi oyunda görünsün. Əksər mənbələr İtaliya klubunun onunla müqaviləni pozacağını vurğulayır. Buna əsas səbəb kimi dünya çempionunun illik məvacibinin yetərincə yüksək – 8 milyon avro olması göstərilir. Xatırladaq ki, rəhbərlik məlum səbəbdən bu ilin əvvəlində Poqba ilə müqaviləni “dondurmuş”, ona maaş ödənişini dayandırmışdı. Son xəbərlərdə Turin klubunun tezliklə futbolçu ilə müddəti 2026-cı ilin yayına qədər nəzərdə tutulan sözləşməni qüvvədən salacağı bildirilir. “Yuventus” rəhbərliyi bu mövsümdən maliyyə planında qənaətcil mövqeyi ilə seçilir. Klubun idman direktoru Kristiano Cuntoli məlum mövzu ilə bağlı belə açıqlama verib: