Qubada Rafik Ələkbərovun 80 illik xatirəsinə həsr olunmuş turnir keçirilib.

1982-90-cı illərdə Quba “Şahdağ”ında baş məşqçi, məşqçi-oyunçu kimi fəaliyyət göstərib. Sonra yenidən “Şahdağ”ı bərpa edib. Klubun rəhbəri, himayədarı olub. O, 1979-cu ildə yeniyetmələr arasında keçirilən “Dəri top” kuboku üzrə SSRİ kubokunun qalibi olan “Şahdağ”ın bütün xərclərini qarşılayan və klubun yaşamasında böyük əməyi olan insan olub.

Turnirdə Quba-Qusar yığması, Azərbaycan futbol veteranları, 1979-cu ildə yeniyetmələr arasında keçirilən “Dəri top” kubokunun qalibləri iştirak edib. Əvvəlcə futbol veteranları ilə Quba-Qusar yığması qarşılaşıb. Bu oyunda 6:5 hesabı ilə veteranlar qalib gəldi.

İsgəndər Cavadov, Oqtay Abdullayev, Asif Əliyev, Cəmaləddin Əliyev, Nadir Əliyev tədbirdə iştirak edib. “Dəri top” kubokunun qaliblərinə diplom təqdim edilib və onların şərəfinə ziyafət verilib. Tədbirdən sonra veteran futbolçular Quba Olimpiya Kompleksində keçirilən “Hypers Quba” - “Göygöl” matçını izləyib. “Hypers Quba”nın baş məşqçisi Vüqar Nadirov və klub prezidenti Ayaz Abdullayev Quba rayonunu çempionatda uğurla təmsil etdiyinə görə fəxri fərman təqdim olunub. Oqtay Abdullayev keçmiş futbol hakimi və Şimal Regional Futbol Federasiyasının üzvü Akif Əliyevə xidmətlərinə görə fəxri fərman, qiymətli hədiyyələrlə bərabər “Azərbaycan futbolu 100” kitabını hədiyyə edib. İsgəndər Cavadov isə Rafik Ələkbərovun nəvəsinə babasının adı yazılmış yığmanın 80 nömrəli təqdim edib.

Şimal bölgəsində fəaliyyət göstərən “Nar” şirkəti qonaqlara nömrə bağlayıb.