“Debütüm pis keçmədi. 70 dəqiqə oynadım. Nəzərə alsaq ki, neçə vaxt idi oynamırdım və cəmi bir həftədi komanda ilə məşq edirəm, normal oldu. İnanıram ki, qarşıdakı oyunlarda daha yaxşı olacaq. Həm də səfərdə, ilk pillələrdə olan komandaya qarşı çıxış edirdik. Çempionatlarımız arasındakı fərqi indi deyə bilmərəm. 4-5 tur sonra, yəni komandaları gördükcə fərqi sezmək olar. Amma oynadığımız komanda çox yaxşı vəziyyətdə idi. Məğlubiyyətin əsas səbəbi də məhz səfərdə, güclü rəqibə qarşı oynamağımız oldu. Həmçinin hesab 1:0 olanda penaltini vura bilmədik. Vursaydıq, hesab bərabərləşə, nəticə başqa cür ola bilərdi. Mənim üçün də ilk oyun normal keçdi. Məlum olduğu kimi, komandaya bir az gec qoşuldum. Bir qədər vaxt lazımdı, daha çox oynamalıyam. Ümid edirəm ki, hər şey yoluna düşəcək”.