"Bunu bütün Naxçıvan camiəsi arzulayır. Komandanın çempionatdakı uğurlu çıxışı yerli əhalinin futbola sevgisini artırıb. Hər kəs qısa müddətdə stadionun təmir olunmasını və kollektivin evə qayıtmasını istəyir. Biz də bu yöndə praktik addımlar atmağa çalışırıq. Əlimizdən gələni edirik. Bilindiyi kimi, bu il Naxçıvanın 100 illiyi idi. Bu çərçivədə xeyli tədbir keçirildi. Çoxlu işlər görüldü. AFFA Lisenziyalaşdırma Departamentinin və PFL-in rəsmiləri tərəfindən də idman qurğusuna baxış keçirildi. Stadionda hansı işlərin görüləcəyi bəllidi. Ümumi prosesin smeta dəyəri hesablanıb və federasiyaya təhvil verilib. Üç Türkiyə, bir Hollandiya və bir yerli şirkətlə danışıqlar aparılıb. Ümid edirik ki, ən qısa zamanda Naxçıvan şəhər stadionu premyer-liqanın tələblərinə uyğun vəziyyətə gətiriləcək".