Əla dönəmdən keçən və həm superliqada, həm də Avropada önəmli qələbələr qazanan ''Qalatasaray'' bu gün növbəti oyuna çıxacaq.

İstanbul nəhəngi şəhərin digər təmsilçisi ''Kasımpaşa''nı qəbul edəcək. Bu rəqibi son 4 oyunda məğlub edən ''Cim-Bom'' yenə aşkar favorit sayılır.

''Qalatasaray'' 2024-cü ildə öz meydanında keçirdiyi 14 çempionat oyununun 13-də qalib gəlib (1 məğlubiyyət). Yəni komanda bu təqvim ilində evdə çempionat oyunlarında qələbə faizinə (93) görə hazırda Avropada ən yaxşı göstəriciyə malik olanlardan biridi. ''Sarı-qırmızılar''ın başında bir çox rekordlarını müəllifi olan Okan Buruk yenidən adını klub tarixinə yazdırmağa hazırlaşır.

Bilindiyi kimi, ''Qalatasaray'' ilk 6 turda xal itirməyib. Komanda 7-ci turu da itkisiz başa vursa, tarixində bir ilkə imza atacaq. Amma bu, turnirin rekordu olmayacaq. Çünki ''Fənərbaxça'' 3 dəfə (1964/65, 2009/10, 2023/24) mövsümə ardıcıl 7 qələbə ilə başlayıb.

ƏLİ