“Səmimi olsaq, “Qarabağ”ı “Tottenhem”lə müqayisə etmək doğru olmaz. “Mahmızlar”, demək olar ki, bütün cəhətlərə görə rəqibdən qat-qat üstündü. Amma bu, heç kimin arxayınlaşması üçün səbəb ola bilməzdi. Hər halda, azərbaycanlılar ötən mövsüm Avropa Liqasında “Braqa” və “Bayer-04” kimi tanınmış Avropa klublarına qarşı möhtəşəm oyun sərgiləyib. Məhz bu rəqiblərin başına gətirilən oyunlar “Tottenhem”i daha məsuliyyətli olmağa vadar edirdi. Lakin London təmsilçisi istədiyimiz kimi performans göstərmədi.

İlk dəqiqələrdən azlıqda qalmaq arzuolunmaz hadisə idi. Yəqin ki, “Qarabağ”ın əvəzində daha təcrübəli komanda olsaydı, indi fərqli şeylər yazmağa məcbur qalacaqdıq. Oyunçuların qiymətləndirilməsinə gəlincə, Vikario (8) “Qarabağ”ın hücumçularını əlcəkləriylə “döydü”. Qrey (7) bu dəfə öz mövqeyində oynamadığından öyrəşdiyimiz kimi hücumlara qoşula bilmədi. Drequsin (1) qırmızı vərəqə almaqla matçın əvvəldən bəlli olan taleyini sual altına atdı. Devis (6) və Sarr (7) birinci hissədə arxayın oynasa da, sonradan özünü toparlaya bildi. Bissuma (5) və Berqvall (5) xeyli fədakarlıq etsə də, bəzi epizodlarda topu itirdiklərinə görə “çərçivə”ni təhlükə altına atdılar. Conson (7) və Solanke (8) komandanın azlıqda qalmasından sonra bir müddət çaşqın göründü. Ardınca “mahmızlar”ı xilas etmək üçün hərəkətə keçdilər “Qarabağ”ım müdafiəçilərinin başını gicəlləndirdilər. Sadəcə, Solanke həm də məhsuldar ötürmə müəllifi oldu. Son (7) da çox çalışdı, amma deyəsən, yaşlanıb... Udoci (8) azərbaycanlıların bir neçə təhlükəli epizoduna vacib müdaxilələr etdi. Kulusevski (7) isə ikinci və üçüncü qol üçün zəminin yaradılmasında aparıcı oyunçu oldu. Verner (5) və Bentankur (6) o qədər də etibarlı oynamadı. Bu yöndə Bentankuru fərqləndirə bilərik ki, bir neçə “Qarabağ” futbolçusuna təzyiq etməkdən çəkinmədi”.

“Oyun günü onminlərlə londonlunun stadiona axışacağı əvvəlcədən bəlliydi. Əslində onlar üçün xüsusi qatarlar ayrılmışdı. Lakin matçın başlamasına bir neçə saat qalmış dəmiryolunda baş verən qəza üzündən xeyli qatarın yola çıxmasına şərait yaradılmadı. Hadisənin baş verdiyi əraziyə yollanan polislər bir neçə aparıcı magistralı da bağladı. Sonradan məlum oldu ki, qatarlardan biri adam vurub və hərəkət hələ uzun müddət iflic olacaq. Nəticədə “Qarabağ” oyuna gec gəldi. Qurban Qurbanov mətbuat konfransında duruma görə narazılığını bildirdi. İş orasındadı ki, “Tottenhem” 8-ci dəqiqədən sonra azlıqda qalmaqla öz ayağına atəş açdı. Bəlkə bu, həmin tıxacın əvəzində verilən hədiyyə idi”.