“15 sentyabr – Bilik Günü ilə bağlı kampaniyamız uğurla həyata keçirildi. Xüsusi günlə bağlı məktəblilərə və onları müşayiət edən valideynlərə pulsuz bilet verildi. Bundan əlavə, azyaşlılar üçün stadionun önündə həmişəki kimi “fanzona” da fəaliyyət göstərirdi. Kampaniyanın nə qədər uğurlu alındığını görmək üçün tribunalara baxmaq kifayət idi. Həmin gün azyaşlıların sayı həmişəkindən qat-qat çox idi.

İddiaya gəlincə, həmin yazıyla tanışıq. Məsələylə bağlı araşdırma apardıq. Adətən, belə problemlər yaşananda azarkeşlər dərhal kluba müraciət edir. Maraqlıdı ki, bunun şahidi olduğunu iddia edən jurnalist həmkarımız da oyun zamanı məsələ ilə bağlı nə mənə, nə də stadionun hansısa əməkdaşına məlumat verib. Oyundan öncə hansısa problemin yaşanmaması üçün stadionda, kassanın yanında klubun bir əməkdaşı fəaliyyət göstərirdi. Lakin ona da hər hansı problemlə bağlı müraciət edilməyib. Çox güman, yazıda qeyd edildiyi kimi bir problem yaşanıbsa, hansısa anlaşmazlıqdan qaynaqlanıb”.