“Bəli, UEFA-nın sentyabrın 16-17-də keçirilən ənənəvi konfransında mən də iştirak etdim. Avropa çempionatının yekunlarına dair konfrans idi. Sonuncu AÇ-nin statistik göstəriciləri, taktiki, texniki analizlər, komandaların trendləri, yeni üslublar barədə fikir mübadiləsi oldu. Sözsüz, böyük mütəxəssislər də iştirak edirdi. İspaniya millisinin baş məşqçisi Lusi De La Fuente, FİFA-nın qlobal inkişaf şöbəsinin rəhbəri Arsen Venger, Vincentso Montella, Roberto Mançini, Yulian Naqelsmann və başqaları var idi. Onların təcrübəsindən də yararlandıq. Fikir bildirdilər, bizimlə fikir mübadiləsi apardılar, yığmada iş prosesi klubdan nə qədər fərqlidi, hansı fərqlər və üstünlüklər var. Çağırışlar nədi və o çağırışların öhdəsindən necə gəlmək lazımdı, hansı alətlərdən istifadə etmək lazımdı və s. Bizim də fikrimizi öyrəndilər. İkinci gün isə texniki direktorlarin toplantısı idi. Biz orda həm gənclərdən ibarət, həm də A milli komandasında gənc və yeniyetmə futbolçularin inkişaf yolu barədə danışdıq. Arsen Venger, Fabio Kapello qonaq qismində tədbirdə iştirak edirdilər. Təəssüratım çox yaxşıdı. Çünki belə böyük simalarla sıx-sıx görüşmək olmur. Yaxşı ki, FİFA belə tədbirlər təşkil edərək bizi bir yerə yığır. Belədə fikir mübadiləsi apararaq müxtəlif təcrübələr qazanırıq”.