Çempionlar Liqasının qrup mərhələsinin 1-ci turunda ''Real'' Almaniyanın vitse-cempionu ''Ştutqart''ı qəbul etdi.

Oyun ÇL-in son qalibi üçün heç də asan keçmədi. Mbappe ikinci hissənin əvvəllərində hesabı açsa da şvabiyalıların türkəsilli futbolçusu Dəniz Undav bərabərlik qolunun müəllifi oldu. ''Kral klubu'' yalnız son 10 dəqiqədə Rüdiger və Endrikin qolları ilə matçı lehinə çevirə bildi. 75-ci dəqiqədə oyuna daxil olan türkiyəli ulduz Arda Gülər Çempionlar Liqasında debüt oyununa çıxdı.

''Santyaqo Bernabeu''dakı oyunu Xəlil Umut Melər idarə etdi. Amma türkiyəli hakimin idarəçiliyi bəyənilmədi. İlk yarıda Madrid nəhənginin lehinə penalti verən Melər daha sonra VAR-ın məsləhəti ilə epizodun təkrarını izləyərək qərarını dəyişdi. Bundan başqa o, bir neçə dəfə anlaşılmaz qərarlar verdi və hətta adətən sakit olan Karlo Ançelottiyə də sarı vərəqə göstərdi.

Ünlü italiyalı mütəxəssis final fitindən sonra hakimlər briqadasının yanına gələrək onlara etirazını bildirdi. Türkiyə mətbuatının yazdığına görə Ançelotti Melərə ''sənə hörmətim var, amma bu gün oyunu heç də yaxşı səviyyədə idarə etmədin'' dedi.

ƏLİ