“Çempionatda ilk oyun həmişə ağır keçir. Buna baxmayaraq, çox sevindirici məqam oldu ki, ilk turda qələbə qazandıq. Düzdü, çoxlu qol imkanından yararlana bilmədik. Amma nəticə etibarı ilə 3 xalı qazandıq. Çatışmayan şeylər nədisə, onların üzərində işləyəcəyik. Komandanı tam formalaşdırmışıq.Təlim-məşq toplanışı keçmədiyinizə görə komanda istədiyimiz səviyyədə deyildi. Lakin oyundan-oyuna futbolçuların həm fiziki, həm taktiki durumu getdikcə yerinə düşəcək. Rəhbərlik qarşımıza hansısa hədəf qoymayıb. Çempionluq, yaxud ilk “üçlük” uğrunda oynadığımızı deyə bilmərəm. Sadəcə, rəhbərlik bizdən 1-ci liqada qalmağı və gənclərdən ibarət yaxşı komanda quraraq yaxşı futbol göstərməyi tələb edib. Bu o demək deyil ki, qarşımıza hədəf qoyulmayıbsa, yerimizdə sayacağıq. Çalışacağıq ki, maksimum nəticə göstərək, yaxşı oyun nümayiş etdirək, komandamız daim yüksəklərdə olsun. Cəbrayıl adı daim yüksəkdə olmalıdı”.