Azər Məmmədovun gedişindən sonra "Zirə-2"də baş məşqçi postu boş qalmışdı. Komandanı təlim-məşq toplanışına və matçlara köməkçi məşqçi Hacı Əhmədov çıxarırdı.

İki gün öncə isə əvəzedicilərin “sükanı arxasına” “Zirə” Futbol Akademiyasının rəhbəri Zaur Həşimov gətirildi.

Veteran futbolçunun təyinatına və komandaya rəhbərlik etməsinin akademiyadakı işinə mane olub-olmayacağına münasibət öyrəndik:

"Zirə-2"də baş məşqçi postu boş qalmışdı. Rəhbərlik klubda çalışan mütəxəssislə əməkdaşlıq etmək qərarına gəldi və həmin vəzifəyə mənim namizədliyim irəli sürüldü. Mən də təklifi müsbət qarşıladım. Həm əvəzedici komandaya, həm də futbol akademiyasına rəhbərlik edəcəm. İki vəzifəni yerinə yetirmək mənim üçün çətin olmayacaq. Onsuz da "Zirə-2"nin toplanışı zamanı məşqlərində yaxından iştirak edirdim. Bundan sonra isə komandanı çempionat oyunlarına hazırlayacam. Rəhbərlik tərəfindən qarşımıza hansısa öhdəlik qoyulmayıb. Çalışacam ki, perspektivli gənclərin potensialını açmaqla onları daha da inkişaf etdirək".

ABDULLA İSMAYILOĞLU