MHL klublarından “Edmonton” almaniyalı hücumçusu Leon Drayzaytl ilə yeni müqavilə bağladığını elan edib.

28 yaşlı hokkeyçi ilə imzalanan yeni müqavilə 8 il müddətinə nəzərdə tutulub və 2025/26 mövsümündən qüvvəyə minəcək. Onun illik maaşı 14 milyon dollar təşkil edəcək, ümumilikdə 112 milyon dollar qazanacaq forvard MHL-in ən yüksək ödənişli oyunçusuna çevrilib.

Xatırladaq ki, Drayzaytl 2014/15 mövsümündən “neftçilər”in şərəfini qoruyur. Almaniyalı ulduz MHL-in ötən mövsümündə müntəzəm çempionatda keçirdiyi 81 oyunda 41 qol vurub, 65 məhsuldar ötürmə verib. Pley-offda keçirdiyi 25 oyunda isə 31 (10+21) xal toplayıb.

Əslində “Edmonton” rəhbərliyinin başqa seçim imkanı da yox idi. Dünyanın ən yaxşı hokkeyçilərindən birini necə olur-olsun, heyətdə saxlamaq lazım gəlirdi. Əks halda o, gələn yay pulsuz gedə bilərdi. Drayzaytl indi elə pul qazanacaq ki, bir ildən sonra istənilən başqa klub həmin pulu ona verəcəkdi.

28 yaşlı hücumçunun klubuna radikal şəkildə güzəşt etdiyini demək olmaz. Ancaq Albert əyalətinin paytaxtında – yaşamaq üçün heç də o qədər cəlbedici olmayan yerdə bütün karyerasını keçirməyə hazır olmaq çox şeydən xəbər verir. Bu addım Konnor Makdevidin gələcəyinə birbaşa işarə kimi kimi görünür. Konnor almaniyalı forvardın yaxın dostudu. Heş şübhəsiz, Drayzaytl “Edmonton”da qalmaqla bağlı prinsipial qərar verərkən komanda yoldaşıyla da məsləhətləşib.
Əvvəlki illərdən fərqli superulduzlar artıq “Oylerz”dən qaçmır, bu komanda ilə titul qazanacaqlarına ümid edirlər. Çətin ki, almaniyalı ulduz başqa hansısa yerdə Stenli kubokunu qazanmaq baxımından belə yaxşı şans qazana. Forvard hazırda karyerasının zirvə dönəmini yaşayır. Şərti “San-Xose”də yenidənqurmanın nə vaxt bitəcəyini gözləmək çox vaxt ala bilər. Yeni müqavilənin vaxtı bitəndə Drayzaytl artıq 37 yaşını tamamlayacaq. Həmin vaxt hokkeyçinin indiki qədər effektli olacağıyla bağlı heç bir əminlik yoxdu. Bununla belə, bu indi heç də ən qorxulu məqam deyil. “Edmonton” elə vəziyyətdədi ki, məhz və indi və dərhal titullar qazanmalıdı. Daha uzaq gələcəklə bağlı sonra da düşünmək olar.
Qarşıdakı iki mövsüm klub üçün həlledici olacaq, axı komandanın əsas ulduzu Makdevidin müqaviləsi məhz həmin vaxt qüvvədə olacaq. Yeni müqaviləyə uyğun olaraq, ardından onun maaşı – maaş tavanının qaçılmaz olduğunu da nəzərə alaq – stratosferə uçacaq. Baş menecür Sten Boumen çətinliklə üzləşəcək. Böyük pullar müqabilində liderlərini müqavilə müddətini uzatmağa razı salmaq böyük planın yalnız bir hissəsidi. Superulduzları güclü oyundaşlarla əhatə etmək daha çətin vəzifədi. Boumen bir neçə il əvvəl “Çikaqo”da bu vəzifənin öhdəsindən gələ bilməmişdi.

“Edmonton”un əməkhaqqı cədvəlini iki məqam təzyiq altında saxlayır. Birincisi müdafiəçi Daranell Nersin hədsiz yüksək məbləğli müqaviləsidi (2030-cu ilə qədər 9,25 milyon əməkhaqqı). İkinci məqam müdafiə xəttinin digər oyunçusu Evan Buşarla müqavilə müddətini uzatmağın zəruriliyidi. O, gələn yay azad agentə çevriləcək və indiki tərəqqisini davam etdirsə, həmin vaxt rahatca 9-10 milyon dollara iddia edə bilər. Boumen sonrakı addımlar üzərində baş sındırmağa məcburdu. Hələ ki o, yalnız Drayzaytl ilə anlaşıb, proqramın əsas bəndini yerinə yetirməklə bağlı sevinc hissini yaşaya bilər.