“Barselona” heyətinə daha bir yeni futbolçu cəlb edib. Bu barədə klubun mətbuat xidməti məlumat yayıb.

İspaniya klubu “Las Palmas”ın hücumçusu İvan Sedriki icarəyə götürüb. 22 yaşlı futbolçu ilə bağlanan müqavilənin müddəti 2025-ci ilin iyun ayının sonuna qədər nəzərdə tutulub. O, “Barselona”nın B komandasında çıxış edəcək. Sedrik ötən mövsüm icarə qaydası ilə “Valyadolid”də oynayıb. O, İspaniya çempionatının 2-ci divizionunda 12 matçda iştirak edib və 2 qol vurub.

Yeri gəlmişkən, “Barselona” artıq indidən bir hədəfini müəyyən edib. İspaniya nəhəngi gələn yay müdafiəsini gücləndirməyi planlaşdırır. Yerli mənbələrin yaydığı xəbərə görə, rəhbərlik bunun üçün “Bayer-04”ün oyunçusu Conatan Ta ilə müqavilə imzalamaq imkanlarını araşdırır. Klubun təmsilçiləri artıq futbolçunun nümayəndələri ilə əlaqə saxlayıblar. Keçid üçün maneə mərkəz müdafiəçisinin maaşı ilə bağlı tələbləri ola bilər. Qeyd edək ki, 29 yaşlı Conatan ilə “Bavariya” da maraqlanır. Onun “Bayer-04” ilə müqaviləsinin müddəti isə gələn ilin yayında başa çatacaq. Yeri gəlmişkən, Ta bir neçə gün əvvəl Leverkuzen klubu ilə müqaviləsini yeniləməyəcəyini açıqlayıb.