Şotlandiya futboluna ağır itki üz verib.

Yığmanın və “Liverpul”un və sabiq müdafiəçisi Ron Yeyts 86 yaşında dünyasını dəyişib. Mersisayd klubunun keçmiş kapitanı ömrünün son illərində Altsheymer xəstəliyindən əziyyət çəkirdi.

Yeyts 1961-1971-ci illərdə “Liverpul”da çıxış edib. O, bu komanda ilə iki dəfə İngiltərə çempionu olub, ölkə kubokunu qazanıb, üç dəfə isə İngiltərə Superkubokunun qalibi olub. Yeyts “Liverpul”un heyətində ümumilikdə 454 oyun keçirib.