"1-ci divizionda çıxışımıza icazə verilsə də, stadionumuzun vəziyyəti ürəkaçan vəziyyətdə olmadığına görə məcburiyyətdən ev oyunlarımızı Saatlıda keçirirdik. Şükürlər olsun ki, doğma meydanda oyunlarımızı keçirməyə icazə verildi. Sevincimizin həddi-hüdudu yoxdu. Düşünürəm ki, bununla doğma azarkeşlər önündə daha mübarizə oyunlar sərgiləməklə yaxşı nəticələr əldə edəcəyik. Doğma meydanda oyunlarımızın keçirilməsinə razılıq həm çempionatdakı son üç qarşılaşmamızı və növbəti mövsümdəki ev matçlarımızı da əhatə edəcək. Stadionda təmir və yenidənqurma işlərini davam etdirəcəyik. Bildiyiniz kimi, stadion ümummilli lider Heydər Əliyevin adını daşıyır. Məqsədimiz gələcəkdə həm stadionumuzu, həm də klubumuzu inkişaf etdirməkdi. Ayın 12-də axır ki doğma publika önündə "Qarabağ-2"ni qəbul edəcəyik. İnanıram ki, azarkeşlər stadionu doldurmaqla komandamıza dəstəyini əsirgəməyəcək".