“Yakiroviç Xabi Alonsonun bacarmadağını bacardı” – Xorvatiya mətbuatı
“Dinamo” “Qarabağ”ı mübarizədən kənarlaşdıraraq Çempionlar Liqasının liqa mərhələsinə vəsiqə qazandı.
İndi Xorvatiya mətbuatı Zaqreb təmsilçisinin baş məşqçisi Sergey Yakiroviçin uğuruyla çalxalanır. Azarkeşlər, jurnalistlər, mütəxəssislər, ümumiyyətlə, yerli publika çalışdırıcını yerə-göyə sığdırmır.
“Football-plus.az” xəbər verir ki, “germanijak.hr” Yakiroviçin “Qarabağ”la oyunlardakı fəaliyyətini belə dəyərləndirib:
“O, hər şeyi düzgün etdi. Bu matç onun üçün ağır imtahan idi. Yakiroviç Praqa və Salonikidə üzləşdiyi acınacaqlı məğlubiyyətlərdən dərs aldığını sübut etdi. Mütəxəssis Bakıda mükəmməl start heyəti qurdu. Azərbaycanlı jurnalistlərin təxribata sürükləyən suallarına ağılla cavab verdi. Halbuki media nümayəndələri onun istefa verəcəyinə eyham vururdu. “Qarabağ”la matçların çətin keçəcəyini, 3:0 hesablı qələbədən sonra belə rəqibin dönüş edəcəyini deyənlərə məhəl qoymadı. “Qarabağ”ı yaxşı təhlil edib ikinci oyunda bütün futbolçularını zərərsizləşdirdi. Bir sözlə, Yakiroviç Xabi Alonsonun bacarmadağını bacardı”.
KƏNAN BAHADIR
Digər xəbərlər
