“Qarabağ” ciddi komanda olduğunu sübut etdi” - “Dinamo”nun baş məşqçisi
"Aydın məsələdi ki, Bakıda havada rütubətin çox olması səbəbindən bizi çətin matç gözləyir. Amma biz hazırıq".
“Football-plus.az” xəbər verir ki, bu sözləri "Dinamo"nun (Zaqreb, Xorvatiya) baş məşqçisi Sergey Yakiroviç Çempionlar Liqasının pley-off mərhələsində "Qarabağ"a qarşı keçirəcəkləri cavab oyunu barədə danışarkən deyib:
"Çempionlar Liqasının qrup mərhələsinə adlamaq üçün sözün əsl mənasında var gücümüzü ortaya qoymalıyıq. Heç də asan olmayacaq. Çünki “Qarabağ” ciddi komanda olduğunu sübut etdi. Kiminsə buna şübhəsi var idisə, düşünürəm ki, ilk oyundan sonra aradan qalxıb. Ehtiyatlı olmaq lazımdır, Zaqrebdə bəzi məqamlarda bəxtimiz gətirdi. Müdafiədə daha stabil olmalıyıq. Çünki ilk dəqiqədən onların təzyiqini gözləyirəm. Qələbə üçün gəldiyimizi göstərməliyik".
Qeyd edək ki, avqustun 28-də Tofq Bəhramov adına Respublika stadionunda keçiriləcək "Qarabağ" - "Dinamo" oyunu saat 20.45-da başlayacaq. Bu komandalar arasında Zaqrbdə keçirilən görüşdə "Dinamo" 3:0 hesablı qələbə qazanıb.
Digər xəbərlər
