“Adil Şükürova hələ də güvənirik” - “Xəmsə” nəyi gözləyir?
“Kəpəz”in bu mövsüm də çempionatın aşkar autsayderlərindən olacağı bəllidi.
Bəs “Xəmsə” komandanın nəticələrini necə qarşılayır? Azad azarkeş qrupunun idarə heyətinin üzvü Müşfiq Məmmədovun “Football-plus.az”a söylədikləri:
“Əminik ki, komandaya yeni oyunçular lazımdı. Adil Şükürova hələ də güvənirik, ilk dövrənin sonuna kimi xallar qazanacağına ümid edirik. Ən azı bizə uyğun rəqiblərlə oyunlarımız qalır”.
“Xəmsə”nin rəhbəri Aqşin Əsgərovun fikirləri:
“Rəhbərliklə görüşmək planımız var. Amma biz yenə də Adil Şükürova güvənirik. İstənilən halda, görüşəcəyik, səbr edirik. Düzdü, nəticələr ürəkaçan deyil. 4 turdan sonra komandanın qol vurmadan xalsız qalmasına heç kim qəbul edə bilməz. Yenə də gözləyirik. “Transfer pəncərəsi”nin bağlanmasina da zaman var. Söz veriblər, yeni oyunçular gələcək. Düşünürük ki, millinin oyunları üçün yaranmış fasilə komandanın toparlanmasına kifayət edər”.
RÖYANƏ OĞUZ
Digər xəbərlər
