"İlk növbədə Tərlan Əhmədova təşəkkür edirik. Klubun premyer-liqada qalmasında danılmaz rolu var. Haqqına girmək doğru olmaz. Gəlişindən sonra komandanın oyun tərzində xeyli irəliləyiş oldu. Yaxşı nəticələr əldə etdik. Mövsüm ərzində səngiməyən söz-söhbətlərdən məsələnin belə bitəcəyini təxmin edirdik. Başverənlər Tərlan Əhmədovun ən çox 1 il baş məşqçi ola biləcəyini göstərirdi. Qərarın doğru olub-olmadığıbı İdarə Heyətinin üzvləri daha yaxşı bilər. Amma istəyərdim ki, tam uyğun baş məşqçi ilə uzunmüddətli anlaşma olsun və bu çalışdırıcı dəyişiklikləri geridə qalsın.

Azər Məmmədovun yeni baş məşqçi olmasına isə ancaq sevinə bilərik. Ölkə çempionatlarında ən çox oyun keçirən futbolçulardan biri olub. Dəfələrlə "Kəpəz"in kapitanı kimi meydana çıxıb. Yeni çalışdırıcımıza uğurlar arzu edirik. Yetərli dəstək və vaxt verilsə, ölkə futbolunda yenidən Gəncənin "Qərb küləyi"ni hiss edəcəyimizə inanırıq".