“Atletiko” ilə “Çelsi” növbəti transferini reallaşdırıb. Yay transfer əməliyyatlarında fəallığı ilə seçilən klublar oyunçularını dəyişdiriblər.

Nəhayət, Joao Felişin yeni klubu müəyyənləşib. Portuqaliya yığmasının oyunçusunun “Atletiko”dan “Çelsi”yə gözlənilən keçidi rəsmiləşib. 24 yaşlı hücumçu London klubu ilə 7 illik müqavilə imzalayıb. Qeyd edək ki, Feliş 2022/23 mövsümünün ikinci yarısında icarə əsasında “Çelsi”də çıxış edib. O, mövsüm ərzində londonluların heyətində 20 matçda meydana çıxaraq 4 qol vurub. Joaonun Feliş ötən mövsüm icarə əsasında “Barselona”da çıxış etdiyini də bildirək.

Gözlənildiyi kimi, Konor Qallaher “Çelsi”dən ayrılıb. Yarımmüdafiəçinin “Atletiko”ya keçidi rəsmiləşib. İspaniya klubunun yaydığı məlumata görə, 24 yaşlı futbolçu yeni klubu ilə 5 illik müqavilə imzalanıb. “Atletiko” bu transfer üçün İngiltərə klubuna 42 milyon avro ödəyib.

Qeyd edək ki, Konor İngiltərə premyer-liqasının 2023/24 mövsümündə 37 oyuna çıxaraq 5 qol vurub və 7 məhsuldar ötürmə edib.