''Liverpul'' Arne Slotun başçılığı altında yeni mövsümə uğurlu şəkildə start verdi.

''Qırmızılar'' premyer-liqanın ilk turunda səfərdə debütant ''İpsviç''i 2 cavabsız qolla məğlub etdilər. Oyunu yüksək səviyyədə keçirən Məhəmməd Salah aktivinə qol və məhsuldar ötürmə yazdı. Misirli superulduz bu qol sayəsində adını turnirin tarixinə yazdırdı. Belə ki, Salah 1-ci turlarda ümumilikdə 9-cu qolunu vurdu. O, hərəyə 8 dəfə fərqlənən Frenk Lempard, Ueyn Runi və Alan Şirer kimi əfsanələri geridə qoyaraq premyer-liqada 1-ci turlarda ən çox qol vuran futbolçuya çevrildi.

Qeyd edək ki, 32 yaşlı vinger ''Liverpul''da 8-ci mövsümünü keçirir. O, bu 8 mövsümün 7-də ilk həftələrdə fərqlənməyi bacarıb. Salahın ilk turda qol vura bilmədiyi yeganə mövsüm 2023/24-dü. Həmin vaxt o, səfərdə ''Çelsi''nin qapısına yol tapa bilməmişdi.

ƏLİ