"Sumqayıt" Misli premyer-liqasının evdə keçirilən 3-cü tur oyununda "Səbail"ə qalib gəldi - 2:1.

"Football-plus.az" xəbər verir ki, "kimyaçılar"ın baş məşqçisi oyundan sonra keçirilən mətbuatda konfransında jurnalistlərin suallarını cavablandırıb.

- Şahin Diniyev "Zirə"ylə matçdan sonra demişdi ki, 3-cü turdan sonra daha yaxşı oyun göstərəcəyik. Həqiqətən, təcrübəli adamdı. Bu gün onun haqlı olduğunu gördük. Rəqib baxımlı və əzmkar oyunla yadda qaldı. Axıra qədər döyüşdülər. Futbolçularımı da təbrik edirəm. Qələbəyə inandılar. İnşallah, belə matçlar bizi ayaqda saxlayacaq və daha güclü olmağımıza kömək edəcək.

- Şagin Diniyev dedi ki, ədalətli nəticə bərabərlik idi. Bu fikirlə razısız?
- Mən də elə düşünürəm. Ədalətli nəticə heç-heçə idi. Şahin müəllimlə tamamilə razıyam. Bu gün özümüzə oxşamadıq.

- Sizin oyun planınız necə idi və alınmayan məsələlər hansılar oldu?
- Rəqibin iki oyununu analiz etmişdik. Məncə, komandam top itkilərinə yol verdiyinə görə, istəklərimizi tam həyata keçirə bilmədik. Ümumi planlar haqda danışmaq istəmirəm. Futbolçuların bərpası üçün uzun müddət lazımdı. "Fehervar"la oyunlardan sonra çox əziyyət çəkirlər. Yorğunluq hiss olunur.

- Yeni transferlər heyətdə yox idi. Hələ hazır deyillər?
- Onların nə vaxt hazır olacaqlarını demək çətindi.

- Hücumlarda Rəhim və Rezabalanın çiyinlərinə çox yük düşür. Siz vəziyyəti necə dəyərləndirirsiz?
- Rəhim yaxşı futbolçudu. Təəssüf ki, bu gün bəzi məqamlarda oyundan qopdu. İstəyirik ki, həm Rezabalanın, həm də Rəhimin yükünü azaldaq. Bu yöndə planlarımız var. O vaxta qədər təzyiqə dözməlidilər.

- Yeni transferlər sizin tələbinizlə komandaya qoşulub?
- Xeyr, belə şey yoxdu. Hər klubun özünəməxsus strategiyası var. "Sumqayıt"ın rəhbər şəxslərinin bəzi klublarla dostluğu, əməkdaşlığı var. Belə münasibətlər sayəsində komandaya fayda verə biləcək oyunçular gətirilir. Mən sabah burda olmaya bilərəm. Rəhbərlik sistem qurub və buna uyğun hərəkət edilir. Biz sadəcə hansı mövqeyə oyunçu lazım olduğunu deyirik.

KƏNAN BAHADIR