“Mançester Siti” İngiltərə premyer-liqasının 1-ci turunun “Çelsi” ilə oyununa ciddi itki ilə çıxacaq.

Komandanın aparıcı futbolçularından sayılan Rodri paytaxtda keçiriləcək matçı buraxacaq. Bu barədə İngiltərə çempionunun baş məşqçisi Xosep Qvardiola məlumat verib.

O, İspaniya millisinin heyətində AÇ-2024-də zədələnən 28 yaşlı yarımmüdafiəçinin hələ komanda ilə məşqlərə qoşulmadığını bildirib.

Qeyd edək ki, “Çelsi” – MS matçı bazar günü keçiriləcək və saat 19.30-da başlayacaq.