Mark-Andre ter Ştegen “Barselona”da yeni status qazanıb.

“Football-plus.az” xəbər verir ki, almaniyalı futbolçu komandanın yeni kapitanı seçilib. Serxi Robertonun gedişindən sonra kapitanlıq sarğısı 32 yaşlı qapıçıya həvalə edilib.

Mark-Andre “Barselona”ya 2014-cü ilin yayında Münhenqladbax “Borussiya”sından 12 milyon avroya keçib. O, 10 mövsüm ərzində hazırkı komandasında 413 oyun keçirib və 405 qol buraxıb. Ter Ştegenin İspaniya klubu ilə 16 kubok qazandığını da xatırladaq.