Bu mövsüm ''Real''da daha çox şans qazanacağı gözlənilən Arda Gülər ilə bağlı hər gün yeni iddia ortaya atılır.

Baş məşqçi Karlo Ançelotti son açıqlamalarının birində türkiyəli ulduzu rəqib qapıya mümkün qədər yaxın mövqedə oynadacağına işarə vurmuşdu. İspaniyanın ''As'' nəşrinin yazdığına görə italiyalı mütəxəssis oyunçularla keçirdiyi toplantıda yeni mövsümdə onlardan gözləntilərini dilə gətirib. Ançelotti həmin toplantıda Ardanın ötən mövsüm az oynamasına rəğmən 6 qol vurmasına təəccübləndiyini gizlətməyib. Eyni zamanda 65 yaşlı çalışdırıcı Türkiyə yığmasının üzvünə ''yeni mövsümdə səndən 10-12 qol gözləyirəm'' deyib.

Xəbərin davamında qeyd olunub ki, Arda Ançelottinin bu sözlərini gülərüzlə və məmnuniyyətlə qarşılayıb. Onu sevindirən əsas məqam yeni mövsümdə daha çox oynamaq şansı qazanacağıdı.

ƏLİ