“Qarabağ” çox güclü komandadı – “Braqa”nın yetirməsi
Dünən ölkə çempionatının 2-ci turunda “Qarabağ” “doğma divarlar” arasında “Kəpəz”i məğlub etdi.
Gəncə komandasında bəzi futbolçular fərdi keyfiyyətlərinə görə diqqəti çəkdi ki, bunlardan biri də qapıçı Rojerio Santos idi.
Oyunun əvvəlində zədələnərək meydanı tərk edən Santos “Football-plus.az”a həm matç, həm də fiziki durumu barədə açıqlama verib:
“Dünən çətin oyun keçirdik. Təəssüf ki, oyunu bitirə bilmədim. Zədələndim və əvəzlənməli oldum. Fiziki durumumla bağlı nə baş verdiyini öyrənmək üçün tibbi yoxlamadan keçəcəm. İndi hədəflərim sağalmaqdı ki, kluba ən yaxşı şəkildə kömək edə bilim. Hər kəs bilir ki, asan mövsüm olmayacaq, komanda yenidi, amma əminəm ki, azarkeşlərin köməyi ilə biz yaxşı nəticələr əldə edəcəyik”.
“Braq”nın yetirməsi “Qarabağ”ın “Ludaqorets”ə dueli haqda da danışdı:
“Son illərdə başverənlərdən bilirik ki, “Qarabağ” çox güclü komandadı. “Ludoqorets”lə oyuna hesabı tərsinə çevirmək üçün çıxacaqlar. Düşünürəm ki, bu oyundan qələbə ilə ayrılacaq heyətə malikdilər”.
RÖYANƏ OĞUZ
Digər xəbərlər
