“Məşqçilərin bizdən tələb etdiyini yerinə yetirmədik” – Yeqor Xvalko
“Kəpəz” ölkə çempionatının ilk turunda səfərdə “Sumqayıt”a uduzdu -0:2. Qərb təmsilçisi yenə tənqid olundu, əksəriyyət yeni transferlərdən gileylənirdi.
Bu oyunla bağlı komandanın kapitanı Yeqor Xvalkonun fikirlərini öyrəndik:
“Çempionatın başlaması futbolçular üçün xoş məqamdı. Onların hamısı mövsümün başlamasını çoxdan gözləyirdilər. “Sumqayıt”la oyun bizim üçün alınmadı, sözün əsl mənasında məşqçilərin bizdən tələb etdiyini yerinə yetirmədik. Ümumilikdə pis oyun oldu. Məşqçi bu heyəti seçibsə, deməli, uyğundu. Məncə, hər şeyi mövsüm göstərəcək. Bu, çempionatın yalnız başlanğıcıdı və indidən nəticə çıxarmaq tezdi”.
Futbolçu “Qarabağ” - “Ludoqorets” dueli barədə də danışdı: “Ludoqorets”in Minsk “Dinamo”su ilə oyunlarına baxdım. Deyim ki, heç də asan olmayacaq. Amma düşünürəm ki, “Qarabağ” inamla irəliləyəcək, qruplara düşəcək”.
RÖYANƏ OĞUZ
Digər xəbərlər
