Bu yay transferdə çox fəal olan ''Trabzonspor'' heyətini daha bir yeni futbolçu ilə gücləndirib.

“Football-plus.az” xəbər verir ki, Trabzon təmsilçisi Ukrayna təmsilçisi ''Zarya''nın 22 yaşlı mərkəz müdafiəçisi Artemi Bataqovu heyətinə qatıb. Ukraynanın müxtəlif yaş qruplarından ibarət gənclər yığmasında 35 oyun keçirən, amma əsas yığmada hələ debüt etməyən futbolçu ilə dördillik müqavilə imzalanıb. Bu transfer qaradənizlilərə 1,8 milyon avroya başa gəlib.

''Dnepr-1''in yetirməsi olan və peşəkar karyerasına bu klubda start verən Bataqov 2022-dən ''Zarya''nın şərəfini qoruyurdu. Gənc oyunçu bu klubda 63 rəsmi oyunda 3 qol, 4 məhsuldar ötürməlik performans sərgilədi. Bataqov Nvakaeme, Lundstram, Barışiç, Draquş, Ozan Tufan, Cihan Çanak, Maleyro, Saviç və Okay Yokuşludan sonra ''Trabzonspor''un bu yay heyətinə qatdığı 10-cu futbolçudu.

ƏLİ