UEFA İspaniya millisinin iki oyunçusuna sanksiya verib.

Yarımmüdafiəçi Rodri ilə hücumçu Alvaro Morata bir oyunluq cəzalandırılıb. UEFA-nın mətbuat xidmətini yaydığı xəbərə görə, futbolçular davranış qaydalarını pozmaqda və idmançıya yaraşmayan xarakter nümayiş etdirməkdə təqsirli biliniblər. Onlar Cəbəllütariq dövləti haqqında siyasi xarakterli mahnı oxuduqları üçün cəzadan qaça bilməyiblər.

AÇ-2024-ün qalibi olan İspaniya yığmasının üzvləri finaldan sonra qələbəni qeyd edən zaman azarkeşlərlə birlikdə Cəbəllütariqin dövlətçiliyini ələ salan mahnı oxumuşdular. Xatırladaq ki, İspaniya finalda İngiltərəni 2:1 hesabı ilə məğub edərək tarixində 4-cü dəfə çempion adını qazanıb.