UEFA “Seltik”ə sanksiya tətbiq edib. Şotlandiya klubu cərimələnib.

"Football-plus.az" xəbər verir ki, buna “Seltik”in azarkeşlərinin Çempionlar Liqasının qrup mərhələsinin “Atletiko” ilə oyununda (2:2) tribunada Fələstin bayraqları nümayiş etdirməsi səbəb olub.

Həmin oyunda qlazqolu azarkeş qrupu olan “Yaşıl Briqada” böyük ölçülü Fələstin bayrağını əsas tribunaya qaldırmış, həmçinin digər tribunalarda da bir neçə bayraq nümayiş etdirmişdi.

UEFA-nın qaydalarına əsasən, bu qurumun bayrağı altında keçirilən matçlarda siyasi xarakterli aksiya keçirilməsi qadağandı. Bu qadağaya məhəl qoyulmadığı üçün qitə futbol qurumu Şotlandiya klubunu 29 min avro cərimələyib. Qeyd edək ki, “Seltik” cari mövsümdə artıq 3-cü dəfə cəriməyə məruz qalıb.