Sabah (Bakı) – Şamaxı 2:2 (2:1)
1. Yusif İmanov – 5,5
10. Namik Ələskərov – 6,0
(20. Coy-Lens Mikels, 58) – 5,5
17. Tellur Mütəllimov – 5,5
(7. Boyan Letiç, 74) – 5,0
5. Rəhman Daşdəmirov – 5,5
77. Şakir Seyidov – 5,0
(4. Elvin Camalov, 58) – 5,0
22. Abdulla Rzayev – 6,0
(2. Amin Seydiyev, 81) – 4,5
88. Xəyal Əliyev – 6,5
44. Sofian Çakla – 5,5
70. Cesse Sekidika (k) – 5,5
13. İvan Lepiniça – 5,5
99. Neqoş Kupusoviç – 4,5
(18. Pavol Safranko, 46) – 5,5
Ehtiyat oyunçular
55. Nicat Mehbalıyev
94. Rəvan Mirzəmmədov
21. İldar Alekperov
33. Camal Cəfərov
Baş məşqçi: Krunoslav Renduliç
Komandanın ən yaxşısı: Xəyal Əliyev

1. Rikardo Fernandes – 5,5
4. Adil Nağıyev (k) – 5,5
8. İlkin Muradov – 5,5
17. Rafael Məhərrəmli – 5,0
(22. Qurban Səfərov, 64) – 5,0
6. Rauf Rüstəmli – 5,5
(24. Edqar Adilxanov, 90+1) – qiymətsiz
82. Rüfət Abbasov – 6,5
32. Vasiliye Radenoviç – 5,5
11. Conatan Benteke – 5,5
(10. Emin Zamanov, 64) – 5,0
7. Giorgi Kantariya – 5,5
(5. Arsen Ağcabəyov, 82) – 4,5
9. Belajdi Pusi – 6,0
(97. Elşad Tağıyev, 90+1) – qiymətsiz
66. Vasiliye Bakiç – 4,5
Ehtiyat oyunçular
85. Kamal Bayramov
62. Abdulla Seydəhmədov
60. Səbayıl Bağırov
80. Zahid Mərdanov
19. Fəxri Məmmədli
Baş məşqçi: Ayxan Abbasov
Komandanın ən yaxşısı: Rüfət Abbasov

Qollar: N.Ələskərov, 16 (1:0, X.Əliyev). X.Əliyev, 37 (2:0, A.Rzayev). R.Abbasov, 44 (2:1). B.Pusi, 52 (2:2, R.Abbasov).
Vərəqələr: N.Ələskərov, 2 (qeyri-idman hərəkəti). İ.Muradov, 35 (qeyri-idman hərəkəti) – sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Fərid Hacıyev (hamısı Bakı).
VAR hakimi: Tural Qurbanov (Bakı).
VAR hakiminin köməkçisi: Elşad Abdullayev (Bakı).
Hakim-inspektor: Vüsal Əliyev (Bakı).
AFFA nümayəndəsi: Seymur Səlimli (Bakı).
4 avqust. Bakı. “Bank Respublika Arena”. 503 tamaşaçı (9000 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun qiyməti: 6,0.

“Sabah” premyer-liqada yeni mövsümün ilk oyununu evdə keçirdi. Ona görə ki, Konfrans Liqasının 3-cü təsnifat mərhələsində keçiriləcək oyuna daha yaxşı hazırlaşmaq istəyən komanda “Şamaxı”nın razılığıyla səfər matçını “doğma divarlar” arasına “daşımışdı”. “Bayquşlar”ın “Makkabi”ylə oyunda çox yorulduğu bəlliydi. Bu üzdən Renduliç heyətdə müəyyən dəyişikliklər etmişdi. 1-ci liqadan qayıdan “şirlər” isə mövsümə yaxşı nəticəylə başlamaq və iddiasını əvvəldən ortaya qoymaq niyyətindəydi. Hər halda, ilk hissədə qeydə alınan nəticə belə olmadığını nişan versə də, qonaqlar sonradan durumu düzəldə bildi.

Masazır təmsilçisi matça ciddi təzyiqlə başladı. İlk dəqiqələrdən qol axtarışına çıxan kollektiv Xəyal sayəsində hesabı aça bilərdi. Lakin futbolçunun rəqib müdafiəçilər tərəfindən mühasirəyə alınması onun “təslim olmasıyla” nəticələndi. Çox keçmədən, daha doğrusu, 17-ci dəqiqədə növbəti dəfə irəli atılan Xəyal yenidən eyni aqibətlə qarşılaşsa da, bu dəfə bəxt üzünə güldü. Gənc futbolçu topu bir qədər arxaya ötürdü və Namik hesabı açdı. Növbəti təhlükəli vəziyyəti də “Sabah” yaratdı. Kupusoviç “çərçivə”ni nişan almağa cəhd etsə də, istəyinə çatmadı. Burda Radenoviçə toxunan top istiqamətini dəyişdi. Hadisələrin axarı “bayquşlar”ın yorğunluğunun daha çox nəzərə çarpmasıyla müşayiət olunurdu. Komanda ara-sıra geri çəkilir və “Şamaxı”nının irəliləməsinə maneə törətmirdi. Bu ərəfədə ələ düşən fürsətlərdən birini dəyərləndirən isə “bayquşlar” oldu. Şakirin uzaqdan qapı önünə göndərdiyi topu Abdulla Xəyala çatdırdı ki, sonuncu fərqi artırdı. Bundan sonra “Sabah”ın növbəti qolları vuracağını və mövsümə böyükhesablı qələbəylə başlayacağını gözləmək olardı. Lakin işlər yolunda getmədi. Daha doğrusu, “Şamaxı”nın fasilə ərəfəsində buraxılan qollardan birinin əvəzini çıxması vəziyyəti dəyişdi. Kantariyanın küncdən zərbə ilə oyuna daxil etdiyi topu Yusif irəli çıxaraq önə yolladı. Burda Rüfətin müdaxiləsiylə qaytarılan “kürə” gözlənilmədən toru silkələdi. Beləliklə, fasiləyə inamlı yollanan “şirlər” ikinci hissədə daha bir qolla hesabı bərabərləşdirdi. Qeyd edək ki, qonaqlar irəliləyən dəqiqələrdə bir çox çatışmazlığı aradan qaldırıb daha yaxşı çıxışla yadda qala bildi. Baxmayaraq ki, ilk yarı Ayxan Abbasovun komandası üçün uğursuz keçmişdi. Bəli, 52-ci dəqiqə “Şamaxı”nın növbəti dəfə fərqlənməsiylə əlamətdar oldu. Burda Pusi Rüfətin qapı önünə ötürməsindən yararlanıb başla qol vurdu.

Oyunun qalan vaxtı komandaların üçüncü qol, yəni 3 xal uğrunda mübarizəsiylə yadda qaldı. Lakin gah qeyri-dəqiq ötürmələr, gah da qapıçıların səyləri hesabın dəyişməsinə əngəl oldu. Şafrankonun 58-ci dəqiqədə vurduğu qol isə oyundankənar vəziyyət üzündən sayılmadı. İşlərin çətinləşdiyini görən Renduliçin Letiçlə Mikelsi meydana buraxması da bəhrə vermədi. “Sabah” mövsümdəki ilk oyununda qələbəyə həsrət qaldı. “Şamaxı”nın isə çətin səfər oyununda sərfəli nəticə əldə etdiyini deyə bilərik.

Gözdən qaçmadı
* “Sabah” “Soldati di Sabah” fanklubu tərəfindən dəstəklənsə də, “Şamaxı” azarkeşsiz qalmışdı
* Yığmanın baş məqşçisi Fernando Santuş da oyunu izləyənlər arasında idi.

KƏNAN BAHADIR