Bolqarıstanlı azarkeşlər üçün bilet qiymətləri açıqlandı

5.08.2024 17:30 365
Aktual / Ölkə futbolu
Bilindiyi kimi, Konfrans Liqasının 3-cü təsnifat mərhələsi çərçivəsində ilk oyun Bakıda keçiriləcək.

“Football-plus.az” Bolqarıstan mətbuatına istinadla xəbər verir ki, oyunu canlı izləmək istəyən bolqar azarkeşlər 11 avrosundan keçməli olacaq: “Azarkeşlərimiz üçün Tofiq Bəhramov adına Respublika stadionunda 26, 27 və 28-ci sektorlar ayrılacaq. Görüşün başlamasına 3 saat qalmış kassalar fəaliyyətə başlayacaq. Oyuna giriş biletinin qiyməti 11 avro və ya 20 Azərbaycan manatı təşkil edəcək”.

Qeyd edək ki, “Qarabağ” - “Ludoqorets” matçı avqustun 6-sı saat 20.00-da start götürəcək.

KAMAL SƏFƏR