Məşhur mütəxəssis Amerikaya yollandı

Stiv Maklaren “Mançester Yunayted”in məşqçi korpusundan ayrılıb.

“Football-plus.az” xəbər verir ki, məşhur mütəxəssis yalnız bu klubu deyil, həm də vətəni İngiltərəni tərk edib. 63 yaşlı Maklaren Yamayka yığmasının baş məşqçisi təyin edilib. Bu haqda yerli federasiyanın mətbuat xidməti məlumat yayıb. İngiltərəli yeni postda Heymir Hadlqrimssonu əvəzləyib. Onunla bağlanan müqavilənin müddəti 2 illiyə nəzərdə tutulub.

Qeyd edək ki, Maklaren son 5 ildə heç bir komandada baş məşqçi kimi fəaliyyət göstərməyib. O, karyerası ərzində “Nyukasl”, “Tvente”, “Volfsburq”, “Nottingem Forest”, “Derbi Kaunti” klublarında və İngiltərə yığmasında işləyib.