Ueyn Runinin yeni iş yeri müəyyənləşib. İngiltərə yığmasının sabiq hücumçusu yenidən vətənində çalışacaq.

"Football-plus.az" xəbər verir ki, 37 yaşlı mütəxəssis bundan sonra ölkə çempionatının 2-ci divizionunda işləyəcək. O, “Birmingem”ə baş məşqçi təyin olunub. Klubun mətbuat xidmətinin məlumatında onunla imzalanan müqavilənin müddətinin 3,5 illiyə nəzərdə tutulduğu bildirilib. Runi futbolçu karyerasını 2021-ci ildə başa vurub. 2020-22-ci illər aralığında “Derbi Kaunti”ni (əvvəlcə komandada oynayan məşqçi funksiyasını yerinə yetirib), 2022-ci ildən oktyabrın əvvəlinə qədər isə “Di Si Yunayted”i (ABŞ) çalışdırıb.