“Sabah”a yaxşı hesabla qalib gələcəyik" - Barak Baxar
“Makkabi”nin (Hayfa) baş məşqçisi Barak Baxar Konfrans Liqasının 2-ci təsnifat mərhələsində "Sabah"la oyun öncəsi fikirlərini bildirib.
"Football-plus.az" xəbər verir ki, o, ilk matçda pis nəticə əldə etdiklərini xatırladıb:
"Oyuna yaxşı başladıq, amma qarşılaşma irəlilədikcə matça nəzarəti itirdik. Bu, baş verməməli idi".
İsrailli mütəxəssis bütün həftə ərzində peşəkar şəkildə işlədiklərini vurğulayıb:
"Bütün həftə düzgün oynamaq, aqressiv olmaq üçün çalışdıq. İnanırıq ki, “Sabah”a yaxşı hesabla qalib gələcəyik. Çətin olacağını bilirik, amma inanırıq. Ancaq burada çətinliklərin öhdəsindən gəlməyi və heyrətamiz işlər görməyi bilən bir klub var".
Qeyd edək ki, bu gün keçiriləcək "Sabah" - "Makkabi" görüşü saat 20.00-da başlayacaq. Bu komandalar arasında ilk oyun Azərbaycan təmsilçisinin 3:0 hesablı qələbəsi ilə başa çatıb.
Digər xəbərlər
