“8 minə yaxın bilet satılıb” – Sumqayıtda anşlaq olacaq
Bu gün “Sumqayıt” Konfrans Liqasının 2-ci təsnifat mərhələsi çərçivəsində yeni mövsümün ilk rəsmi oyununa çıxacaq.
“Football-plus.az” xəbər verir ki, “kimyaçılar” doğma meydanda Macarıstan təmsilçisi “Fehervar”la qarşılaşacaq. Artıq oyuna saatlar qaldı. Bir neçə gün öncə klubun rəsmi hesabında 4600 bilet satıldığı bildirilmişdi. Bəs indi durum necədi? Görəsən, bütün biletlər satılıbmı? Bu barədə məlumat öyrənmək üçün “gənclik şəhəri”nin mətbuat xidmətinin rəhbəri Zaur Xudiyevlə əlaqə saxladıq:
“Hazırda 8 minə yaxın bilet satılıb. İnşallah, oyun saatına qədər bütün biletlərin satılacağını və tribunaların tam dolacağını gözləyirik”.
Klub rəsmisindən oyunöncəsi komandadakı ab-havanı da soruşduq:
“Komandada atmosfer yaxşıdı. Hər şey qaydasındadı. Heç bir problemimiz yoxdu. Bir zədəli oyunçumuz var – İsa Suliman. Dünənki mətbuat konfransında Samir Abasov da bunu dedi. İsa bir müddətlik sıradan çıxıb. Onsuz da sonuncu məşqi İsasız etmişik. Ondan başqa heç bir əskiyimiz yoxdu”.
Xatırladaq ki, Mehdi Hüseynzadə adına stadionda keçiriləcək “Sumqayıt” – “Fehervar” matçı saat 20.00-da başlayacaq.
KAMAL SƏFƏR
Digər xəbərlər
