''Ən-Nəsirinin transferini çox istəyirdik. Elə indi də istəyirik. Amma səbrimiz tükənmək üzrədi. İdman direktorumuz Mario Brankoya bu transferi həll etmək üçün 48 saat vermişəm. Bu müddət ərzində ya keçid baş tutacaq, ya da B, C, D, E planlarına yönələcəyik''. ''Sevilya''nın mətbuat katibi Xavyer Santos Səudiyyə Ərəbistanı mətbuatına açıqlamasında futbolçunun ''Fənər''ə keçməyə çox yaxın olduğunu vurğulayıb. Düzdü, ''Əl-Qadsiya'' da Ən-Nəsirini transfer etmək istəyir. Amma Santosun sözlərinə görə ərəblər ''Sevilya'' rəsmiləri ilə əlaqə qurmayıblar. Onlar yalnız futbolçunun özü ilə danışıqlar aparırlar. Xatırladaq ki, dünən Ən-Nəsirinin ''Sevilya'' ilə məşqə çıxmamasının ardından onun ''Fənərbaxça'' ilə anlaşdığı barədə xəbərlər peyda oldu. Tərəflərin dördillik anlaşma əldə etdiyi və futbolçunun illik maaşının 4 milyon avro olacağı vurğulanılmışdı.