Gözlənildiyi kimi, Alvaro Morata İtaliyaya qayıdıb. “Atletiko”nu tərk edən hücumçu rəsmən “Milan”ın oyunçusu olub.

İspaniya yığması ilə Avropa çempionluğunu qazanan Moratanın keçidi ilə bağlı bəzi detallar açıqlanıb. Klubun rəsmi saytının yaydığı xəbərə görə, 31 yaşlı futbolçu ilə “4+1 il” sxemi üzrə müqavilə imzalanıb. O, “Milan”da “7” nömrəli formanı geyəcək. Bəzi mənbələr transferin milanlılara 13 milyon avroya başa gəldiyini qeyd edir.

Xatırladaq ki, Alvaro karyerası ərzində “Real”, “Yuventus” və “Çelsi”də də çıxış edib. Onun “Yuventus”un formasını 2014-16 və 2020-22-ci illərdə geydiyini də yada salaq.