Messini üzr istəməyə dəvət edən nazir müavini işindən azad edildi!
Argentina yığmasının üzvləri ilə bağlı yaşanan irqçi qalmaqal böyüməkdə davam edir.
Xatırladaq ki, Argentina Amerika Kubokunun qalibi olduqdan sonra Entso Fernandes ''instaqram''da canlı yayın açmış və komanda yoldaşları ilə birlikdə ''onlar Fransada oynasa da, hamısı Anqoladandı'' sözləri ilə bir mahnı ifa etmişdi. Daha sonra Fernandes bu addımına görə üzr istəmiş, ''Çelsi''nin 3 futbolçusu onu təqibdən çıxarmış və eləcə də FİFA məsələ ilə bağlı araşdırmaya başlamışdı.
Bu arada Argentinanın idman nazirinin müavini Xulio Qarro həm yığma komandanın kapitanı Lionel Messidən, həm də ölkənin futbol assosiasiyasının prezidenti Klaudio Tapiadan bu hadisəyə görə futbol ictimaiyyətindən üzr istəməyi tələb edib. Amma Qarronun bu tələbi ona baha başa gəlib. Belə ki, ölkə prezidenti Xavyer Miley Qarronu istefaya göndərib!
Prezidentin rəsmi ''x'' (tvitter) səhifəsindəki paylaşımında bu sözlərə yer verilib:
''Heç bir dövlət təşkilatı ikiqat Amerika Kubokunun sahibi və dünya çempionu Argentina yığmasına, eləcə də ölkənin sıravi vətəndaşına onların nə etməli olduğuna dair göstəriş verə bilməz. Ona görə də Xulio Qarro Argentinanın idman nazirinin müavini vəzifəsindən azad edilir''.
ƏLİ
Digər xəbərlər
