''Bu dəfəki turnir çox gözəl təşkil olundu. UEFA ilə Almaniya Futbol İttifaqı birləşərək gözəl işlər gördülər. Problemsiz və çox da baxımlı turnir alındı. Həm atmosfer gözəl idi, həm də bütün oyunlarda tribunalar dolu idi. Dünyanın bir çox fərqli ölkələrindən insanlar Almaniyaya axın atdı. Vinçentso Montellanın gördüyü iş barədə yalnız xoş sözlər söyləyə bilərəm. Çünki Türkiyə yığması üçün AÇ-ni uğurlu saymaq olar. Montella çox çətin məqamda komandanın başına keçdi və məncə, indiyə qədər işinin öhdəsindən yaxşı gəlir. Türkiyənin heyətində bir-birindən dəyərli futbolçular var. Onlardan biri də Arda Gülərdi. Gənc yaşına baxmayaraq necə böyük istedada malik olduğunu göstərdi. Hər kəsi heyran edən oyun tərzi və texnikası var. Əminliklə deyə bilərik ki, dünya futbolunda yeni bir ulduz doğulur. Türkiyəli fanatlar isə sadəcə möhtəşəm idilər. Öz komandalarına verdikləri həyəcanlı və coşqulu dəstək ilə AÇ-yə rəng qatdılar''