“İlk oyunda hər iki komanda ehtiyatlı çıxış edirdi. Bilindiyi kimi, “Şerif” əvvəlki mövsümlərdə Avropada çox yaxşı oynamışdı. Bu özdən qarşılaşmdan əvvəl “Şerif”i cütün favoriti sayırdıq. Amma oyun baxımından baxandan indi əvvəlki “Şerif” yoxdu. “Zirə” də həddən artıq yaxşı mübarizə apardı, haqq etdiyi qələbəni qazandı. Ümumilikdə götürsək, bərabər səviyyəli görüş izlədik. Bilmək olurdu ki, qolu kim vursa, həmin komanda da qalib gələcək. Düşünmürəm ki, “qartallar” səfərdə qələbə qazanmaqla bütün işlərini həll edib. Cütün taleyinə Bakıda aydınlıq gələcək. İnanıram ki, Rəşad Sadıqov da futbolçularına bunu izah edib və həlledici matça daha ciddi hazırlaşıblar. Doğrudu, komanda qələbə qazanıb, müəyyən üstünlüyü var. Amma nəzərə almaq lazımdı ki, “Zirə” kimi, Moldova təmsilçisi də növbəti mərhələyə vəsiqə qazanmaq istəyir. Bu üzdən də arxayınlaşmaq olmaz. Bakıdakı oyunda da qalib gəlmək lazımdı. “Zirə”nin hücum xəttinin zəifliyinə gəlincə, ilk oyunda elə epizodlar oldu ki, müdafiəni yarmaq mümkün olmadı. “Şerif” də doğma tribunalar önündə çıxış etdiyinə görə bu cəhətdən üstün idi. Lakin bu, o demək deyil ki, təmsilçimizin hücumçularında nəsə çatmır. Rəqibin “Zirə”nin “çərçivə”sinə 12 zərbə vurması o deməkdi ki, müdafiədə müəyyən boşluqlar olub. Buna baxmayaraq, Sadıqovun yetirmələri bacardığı qədər yaxşı müdafiə olundu və ələ düşən imkandan da 100 faiz yararlandı”.