"Football-plus.az" xəbər verir ki, bu barədə Peşəkar Futbol Liqasının prezidenti vəzifəsini müvəqqəti icra edən Elgiz Abbasov ölkə çempionatının püşkatma mərasimində deyib.
Qurum rəsmisi həmin müddətdə ölkə daxili yarışların keçirilməyəcəyini bildirib:
“Biz bu məsələni hələ keçən mövsümün gedişindən müzakirə edirik. COP-29 vaxtı 1-ci liqa, 2-ci liqa, Əvəzedicilər Liqası və ölkə kubokunun oyunları keçirilməyəcək. Premyer-liqaya gəldikdə isə, xoş təsadüfdən həmin vaxt çempionatda milli komandaların oyunlarına görə fasilə olacaq. Yəni COP29 Misli premyer-liqasına hər hansı təsir göstərməyəcək. Bütün bunlar təqvimdə əksini tapacaq”.
